Madaxweynaha Soomaaliya Sheekh Shariif Sheekh Axmed ayaa waxaa uu isaga oo ku sugan caasimada Britain ee London uu sheegay in ay diyaar u yihiin oo ay soo dhoweynayaan duqaymo diyaaradeed oo uu Maraykanku ka fuliyo Soomaaliya.

Madaxweyne Shariif waxaa uu sheegay In aysan wax dhibaato ah lahayn hadii uu maraykanku dusha ka gacan siiyo dowlada Soomaaliya si kooxaha nabad diidka ah looga saaro Soomaaliya.

Hadii ay dowlada Maraykanka diyaaradeheeda ay duqayn u geystaan deegaanada ay kooxaha mucaaradku ka taliyaan,waxaa fududaanaysa qaabkii  ay dowladu ugala wareegi lahayd deegaanada ay kooxahaasi ka taliyaan.

Madaxweyne Shariif waxaa uu kaloo sheegay in ay u baahan yihiin in uu caalamku ka gacansiiyo dowladiisa dib u dhiska iyo nabad kusoo celinta Soomaaliya.

Hadalka Madaxweyne Shariif ayaa yimid xili asbuucyada soo socda la filayo in ay dowldau qaado weerar isku xiran oo ay diyaaradaha Maraykanku ka qayb qaadanaayn si Xarakada Al shabab looga saaro  qaar ka tirsan deegaanada koonfureed ee ay gacanta ku hayaan.

Xarakada Al shabab waxaa ay weerar duqayn oo uga yimaada Maraykanka ay sheegeen  in ay u diyaar garoobeen,iyadoona abaabulka weerar ee DKMG ay ku tilmaameen mid aan wax saamayn ah ku yeelanayn maadaama ay kaga taag roon yihiin dowlada gacan ku haynta deegaanada ay ku dagaalamayaan.

 Xuseen Xuska
SBC International- Monitoring