Muuse Axmed C/raxmaan Muuse Xasaasi taliyaha Qeybta Police-ka ee magaalada Gaalkacyo ayaa kulan saxaafadeed oo uu maanta ku qatay Xarunta gobolka Mudug ee Gaalkacyo waxaa uu shaaca kaga qaaday in ay ciidamadu qateen waxyaabaha qarxa oo  lala damacsanaa in isaga lagu qarxiyo.

Waxa uu Muuse Xasaasi sheegay in dad war gal ag ay Ciidanka u soo gudbiyeen Bam la dhigay wado uu u maro gurigiisa ka dibna ay ciidamada Police-ku howlgal ay sameeyeen ay ku soo qabteen Bamkaasi.

Waxaana uu taliyuhu shaaciyay in ay Soconayaan howlgalo baaritaan ah oo lagu doonayo in lagu ogaado cidi halkaasi dhigtay bamka islamarkaana dooneysay in ay Nafsadiisa dhaafiso waasida uu halka u dhigaye.

Arintan ayaa waxaa walaac ka muujiyay Bulshada ku dhaqan xaafada uu taliyuhu ka degenyahay Gaalkacyo iyo guud ahan Gaalkacyo waxaana ay noqoneysaa tani mid ku cusub magaalada islamarkaana aan la ogeyn cida ka dambeysa.

Si kastaba ha ahaatee waxaa soconaya dhaq dhaqaaqyada Ciidanka police-ka ay ku sugayaan Amaanka iyadoo beryihii ugu dambeeyay ay gaalkacyo ku jirtay Jawi Amaan iyo Xasilooni.

Liibaan Qaran
SBC International- Gaalkacyo