Madaxweynaha dalka Koonfur Africa Jacob Zuma  ayaa raali galin ka bixiyay aabe u noqoshada  cunug uu si sharci daro ah uga  dhalay haweenay uusan qabin.

Waxaan aad uga qoomamaynayaa arintan xanuunka ku keentay qoyskeyga Xisbiga ANC  Isbahaysiga iyo guud ahaan dadka wadanka Koonfurt Africa ayuu Yiri Madaxweyne Zuma.

Gabadh uu dhalay masuulka ugu sareeya koobka Ciyaaraha kubadda Cagta ee aduunka   ayaa sanadkii lasoo dhaafay umushay gabar yar  oo la rumaysan yahay inuu si sharci daro ah uga dhalay Madaxweynaha dalka Koonfur Afrika Jacob Zuma.

Mr Zuma oo 67 sano jir ah ayaa waxaa uu kasoo jeedaa qowmiyada Zulu-ga oo inta badan ragooda ay caan ku yihiin xaas badnida waxaana uu madaxweynuhu uu iminka si sharci ah ku qabaa sadex xaas  iyo gabadhan uu dhalay madaxa koobka Aduunka  oo aad moodo inuu suubis waxa Soomaalida ay u taqaan uu ka dhigtay.

Zuma waxaa haweenkan u dhaxa isaga ay u hayaan ugu yaraan 19 caruur ah.

Waxaan todobaadkii lasoo dhaafay wakhti badan u qaatay  ka fiirsiga sidaan  u wajihi lahaa arimahan la xiriira xiriirka saaxiibtinimo ee aan haweenaydan uga dhalay ilmaha meher la aan ayuu ku yiri warbixin uu soo saaray Mr Zuma taasoo uu ku qiranayo in mowduucan isaga ah uu bulshada dhexdeeda ku abuuray wadaxaajoodyo iyo doodo badan inay ka yeeshaan.

Madaxweynaha Koonfur Africa Jacob Zuma  ayaa warbixintiisa waxaa kaloo uu ku xusay in  arintan ay cadaadis uga timid dhinaca qoyskiisa iyo xisbigiisa ANC.

Horaantii todobaadkan ayaa madaxweynuhu waxaa uu cadeeyay inuu xiriir saaxiibtinimo la lahaa Sonono Khoza  oo 39 jir ah  islamarkaana ah gabadh uu dhalay Madaxa  World Cup-ka  Irvin Khoza.

Madaxweyne Zuma  waxaa kaloo uu sheegay  in arintani  isagoo u arkayay arin shaqsi ahaaneed, uu gaashaanka u daruuray dacaayado uga yimid kooxaha u ololeeya ka hortaga HIV /AIDS-ka  kuwaasoo sheegay in ficilada madaxweynuhu sameeyay ay majaxaabiyeen olololihii rasmiga ahaa ee wacyi galinta HIV/AIDS-ka.

Mr Zuma ayaa aad loogu riyaaqay hadalkiisa sanadkii lasoo dhaafay markii uu shaaca ka qaaday in is badalo waaweyn lagu sameeyay siyaasadii dalkiisa kula dagaalamayay cudur-ka AIDS-ka  taasoo ay ku jirtay in aad loo badinayo qaybinta dawada lagula dagaalamo Virus-ka HIV-ga ee afka qalaad lagu yiraahdo anti-retroviral drugs.

Bulse iminka xisbiyada Mucaaradka  ayaa waxaa ay sheegayaan in hab dhaqankiisu  uu ka hor imaanayo  mowqifka dowlada ee looga hortagayo Virus-ka HIV-ga  iyadoo dadka lagu wacyi galiyo inay isticmaalaan cinjirka galmada ee loo yaqaan condom-ka.

Maahan markii ugu horaysay ee Madaxweyne Zuma  lagu eedeeyo arimo la xiriira  Galmo  sanadkii 2006-dii ayay ahayd markii madaxweynaha  sidan oo kale lagu eedeeyay inuu ku kacay arin kufsi ah  isagoo qirtay inuu ku kacay arin khalad ah kadib markii si aan taxadar lahayn uu ugu galmooday haweenay uu garanayay inay qabto  Virus-ka HIV/AIDS-ka.

Sida Ms Khosa haweenaydaasi ayaa sidoo kale waxaa ay ahayd gabadha qoys ay saaxiibo yihiin isaga.

Mr Zuma  ayaa noloshiisa waxaa uu guursaday  shan mar  iyadoo guurkiisii ugu dambeeyay uu dhacay bishii January ee sanadkan  waxaana sidoo kale hada u doonan gabadh kale.

C/risaaq  Cismaan  Bulqaas

SBC Inernational Monitoring Cairo.

Ccbulqaas@gmail.com